Ստեփանակերտն ու մյուս բնակավայրերը արագ կվերականգնվեն. Արցախի ԱԻՊԾ

Պատերազմից տուժած Ստեփանակերտն ու մյուս բնակավայրերը կարճ ժամանակահատվածում կվերականգնվեն: Այս մասին հայտնում են Արցախի ԱԻՊԾ-ից։

Այս ուղղությամբ Արցախի Հանրապետության ու Ռուսաստանի Դաշնության կողմից գործնական ու հստակ քայլեր են կատարվում:

Երեկ ձեւավորվել է աշխատանքային 6 խումբ:

Վերջիններս Ստեփանակերտում, շրջկենտրոններում եւ գյուղական համայնքներում կատարում են վնասների չափագրում եւ գույքագրում, որին անմիջապես կհաջորդի ակտիվ շինարարությունը:

Աշխատանքային խմբերում ընդգրկվել են ԱՀ ԱԻ պետական ծառայության, ՌԴ արտակարգ իրավիճակների նախարարության փրկարար ծառայողները, ԱՀ քաղաքաշինության նախարարության եւ Ստեփանակերտի քաղաքապետարանի շինարարության մասով ներկայացուցիչները:

[5b0e9a32cf8360fa002fa2d00e9f196a.jpg]

[94f77dd07980f9a275787283ad1765ab.jpg]

[d2b057e94aaf1670e1c525249dad1392.jpg]

[5538368ac64e789c8030f732fe8a5774.jpg]