Ամսվա հենց առաջին օրերին վճարվել են բոլոր աշխատավարձերը, խնդիր չենք ունենա թոշակների հետ կապված. Մարտիրոսյան

Արցախի պետնախարար Գրիգորի Մարտիրոսյանը հայտնել է, որ կառավարության կողմից արվում է ամեն ինչ, որպեսզի ապահովվի քաղաքացիների բնականոն կյանքը:

«Ամսվա հենց առաջին օրերին վճարվել են բոլոր աշխատավարձերը, որոնք նախատեսվել են բյուջեով առանց որևէ խնդրի: Թոշակը նույնպես կվճարվի սահմանված ժամկետներում: Խնդիր չենք ունենա նաև նպաստների հետ կապված»,-ասաց Մարտիրոսյանը:

Նա նշեց, որ առաջին ինն ամիսների արդյունքով՝ հարկատուները վճարել են նախատեսվածից 200 մլն դրամ ավելի գումար: Մարտիրոսյանի խոսքով՝ սա ևս հայրենասիրության նշան է: