Թուրքիայի գործողությունները բացարձակապես անընդունելի են, կարմիր գիծն արդեն հատվել է. Մակրոն
ԵՄ գագաթնաժողովի ժամանակ Ֆրանսիայի նախագահ Էմանուել Մակրոնը դատապարտել է Լեռնային Ղարաբաղի հակամարտության գոտում ընթացող ռազմական գործողություններում Թուրքիայի ներգրավվածությունը, հաղորդում է ТАСС-ը:
«Թուրքիայի այդ պահվածքը վայել չէ ՆԱՏՕ-ի անդամ պետությանը, մենք այդպիսի գործողությունները բացարձակապես անընդունելի ենք համարում: Այս դեպքում կարմիր գիծն արդեն հատվել է»,- հայտարարել է Մակրոնը:
Նրա խոսքով՝ Ֆրանսիան, ԱՄՆ-ը և Ռուսաստանը, որպես ԵԱՀԿ Մինսկի խմբի համանախագահներ, ամենակարճ ժամանակահատվածում որոշակի նախաձեռնություններով հանդես կգան՝ հակամարտության գոտում կրակը դադարեցնելու նպատակով:
«Մենք սերտորեն աշխատում ենք, կապի մեջ ենք»,- նշել է Ֆրանսիայի նախագահը:
