«Ղարաբաղ Տելեկոմ»- ի կառավարունը դարձավ պետական և մինչև հունվարի 1-ը անվճար
Արցախում «Ղարաբաղ Տելեկոմ» ՓԲԸ կառավարունը դարձավ պետական և մինչև հունվարի 1-ը անվճար: ԱՀ նախագահ Արայիկ Հարությունյանը հայտարարություն է տարածել, որում մասնավորապես ասվում է.
Հարգելի ՛ հայրենակիցներ
որոշում եմ կայացրել այսօր «Ղարաբաղ Տելեկոմ» փակ բաժնետիրական ընկերության կառավարման լիազորությունները սահմանափակել՝ դրանք վերապահելով Արցախի Հանրապետության էկոնոմիկայի և արտադրական ենթակառուցվածքների նախարարությանը:
Սա, իհարկե, չի նշանակում, որ մենք խախտում ենք սեփականության իրավունքը, բայց հաշվի առնելով առկա պատերազմական իրավիճակում օպերատորի աշխատանքում արձանագրված լրջագույն խնդիրները և կապի ոլորտի ռազմավարական նշանակությունը պատերազմում գտնվող երկրի ու ժողովրդի համար՝ կառավարումը դարձնում ենք պետական:
Վստահ եմ, որ ռազմական դրության պայմաններում մեզ կհաջողվի ապահովել անխափան կապն Արցախի Հանրապետության տարածքում՝ պահպանելով օրենսդրությամբ սահմանված բոլոր պահանջները:
Նշեմ, որ մինչև հունվարի 1-ը կապի ոլորտի բոլոր ծառայությունները գործելու են անվճար, իսկ այն խոստումները, որոնք տրվել են մեր հանրությանը՝ սակագների էական նվազեցման, կապի որակի բարձրացման և զարգացման առումով, բոլորն հընթացս իրականացվելու են
Հիշեցնենք, երեկ հայտնել էինք, որ փոխվել է հայաստան-արցախ ռոումինիգի սակագինը փոխվել է՝ րոպեի համար դառնալով 5 դրամ:
