Պաշտոնի պատճառով Թրամփը կորցրել է բոլոր ընկերներին

ԱՄՆ նախագահ Դոնալդ Թրամփը հայտարարել է, որ կորցրել է բոլոր ընկերներին այն բանից հետո, երբ դարձել է պետության ղեկավար։ Նրա խոսքով՝ ընկերներին փոխարինել են Կոնգրեսի անդամները։ Այս մասին նա ասել է Վիսկոնսինում ընտրողների հետ հանդիպման ժամանակ։

«Է՛յ, Դո՛ն, գնա՞նք ընթրելու»․ Թրամփը մի քանի մեջբերում է արել ընկերների հետ երկխոսություններից՝ նշելով, որ հիանալի հանդիպումներ է ունեցել ու լիցքաթափվել ընկերների հետ, իսկ հիմա ընկերներն իրեն դիմում են ավելի շատ պաշտոնական՝ անվանելով «պարոն նախագահ»։

Դեռևս սեպտեմբերի 16-ին Թրամփը հայտնել էր, թե որն է եղել իր նախագահության ընթացքում ամենադժվար պահը։ Նա նշել էր, որ լուրջ հարված է դարձել կորոնավիրուսային պանդեմիան, և ինքն անձամբ կորցրել է 6 մտերիմների։


 

Քաղաքականություն

Պատահարներ