Բելառուսը կփակի Լեհաստանի, Լիտվայի եւ Ուկրաինայի հետ սահմանները
Մենք ստիպված ենք զորքերը դուրս բերել փողոցից, զորքի կեսը դնել սահմանագծին և փակել Բելառուսի պետական սահմանը արևմուտքից՝ Լիտվայի և Լեհաստանի հետ։ Այս մասին հայտարարել է Բելառուսի նախագահ Ալեքսանդր Լուկաշենկոն՝ փոխանցում է Риа новости-ին։
Լուկաշենկոն հայտարարել է, որ ստիպված է փակել Բելառուսի պետական սահմանը։
Հիշեցնենք, որ 25 տարվա ընթացքում առաջին անգամ Բելառուսի նախագահ Ալեքսանդր Լուկաշենկոն բանակը բերել է լրիվ մարտական պատրաստվածության վիճակի:
Բելառուսի առաջնորդը, այցելելով զինված ուժերի ստորաբաժանումներից մեկը, հայտարարել է, թե Բելառուսում կիրառվում է գունավոր հեղափոխությունների սցենարը։ «Մենք տեսնում ենք ՆԱՏՕ-ի զորքերի լուրջ տեղաշարժ մեր սահմանների անմիջական հարևանությամբ՝ Լեհաստանի և Լիտվայի տարածքում»:
Հյուսիսատլանտյան դաշինքը կտրականապես հերքում է Լուկաշենկոյի պնդումները` դրանք որակելով անհիմն: «Ինչպես նախկինում մենք արդեն հասկացնել ենք տվել, ՆԱՏՕ-ն որևէ սպառնալիք չի ներկայացնում Բելառուսի կամ մեկ այլ երկրի համար»,- հայտարարել է դաշինքի մամլո խոսնակ Օանա Լունգեսկուն:
