ՏԵՍԱՆՅՈՒԹ. Ոստիկանների կողմից աֆրոամերկացուն շնչահեղձ անելու շոկային կադրերը Նյու Յորքում ցույցերի են հանգեցրել
Նյու Յորք-ում կրկին մեծամասշտաբ բողոքի ակցիաներ են մեկնարկել այն բանից հետո, երբ համացանցում հրապարակվել է ոստիկանների կողմից ևս մի աֆրոամերիկացու՝ առանձնակի դաժանությամբ սպանության տեսանյութը:
Դեպքը տեղի ունեցել մարտին, սակայն սպանվածի հարազատները միայն նոր են կատարվածի տեսանյութը հրապարակել, գրում է Daily Mail պարբերականը։
Դանիել Փրյուդի սպանությունն աֆրոամերիկացի իրավախախտ Ջորջ Ֆլոյդի սպանությունից մի քանի շաբաթ առաջ է տեղի ունեցել, սակայն հասարակության կողմից արձագանք չէր ստացել:
Հրապարակված տեսանյութում երևում է, որ Փրյուդին մերկացրած և ցուրտ եղանակին փողոցի մեջտեղում նստեցրած, ձեռնաշղթա հագցրած ոստիկանները նրա գլխին կտորից պարկ են հագցնում և այնուհետև, տղամարդու դեմքը գետնին սեղմելով, նրան շնչահեղձ անում։ Միջադեպից հետո բժիշկները նրա մոտ ուղեղի մահ են արձանագրել. տղամարդը մահացել է յոթ օր անց՝ մարտի 30-ին։
