Սիրիայում գազատարի պայթյունը եղել է ահաբեկչություն. նախարար
Սիրիայի Դամասկոս նահանգում այսօր վաղ առավոտյան տեղի ունեցած գազատարի պայթյունը, որը հանգեցրել էր հանրապետության ողջ տարածքում էլեկտրականության անջատման, եղել է ահաբեկչություն։ TASS լրատվական գործակալության փոխանցմամբ՝ այս մասին հայտնել է Սիրիայի նավթի և հանքային ռեսուրսների նախարար Ալի Ղանիմը։
«Իրավիճակի գնահատումից հետո հաստատվել է, որ Ադրա և Դումեյր շրջանների միջև տեղի ունեցած պայթյունը եղել է ահաբեկչական գործողության հետևանք»,-նախարարի խոսքերն է մեջբերել սիրիական Al Ekhbariya հեռուստաընկերությունը։
Ղանիմը նաև հավելել է, որ մասնագետներին հաջողվել է վերացնել խափանումները հանրապետության բոլոր էլեկտրակայաններում, որոնք արդեն պատրաստ են աշխատանքի։ Նախարարի գնահատմամբ՝ առաջիկա մի քանի ժամերի ընթացքում հնարավոր կլինի վերականգնել էլեկտրաէներգիայի մատակարարումը Սիրիայի ողջ տարածքում։
Լրատվամիջոցը նաև հաղորդում է, որ հրշեջներին հաջողվել է չեզոքացնել պայթյունից առաջացած հրդեհը։
Ինչպես ավելի վաղ հայտնել էինք, Դամասկոսի մոտ գտնվող գազատարի պայթյունի հետևանքով ողջ Սիրիան հոսանքազրկվել էր։
