Միջազգային խոշորագույն ընկերությունները հանել են իրենց գովազդը բելառուսական պետական հեռուստաալիքներից

Խոշորագույն միջազգային ընկերությունները հետ են կանչել իրենց գովազդը Բելառուսի պետական հեռուստաալիքներից: Այս մասին հայտնում է Marketing.by պորտալը:

Ինչպես փոխանցում է աղբյուրը, բելառուսական գովազդի շուկայի խաղացողները հայտնել են, որ բազմաթիվ ընկերություններ արդեն հանել են գովազդը պետական հեռուստաալիքներից, այդ թվում և խոշոր միջազգային գովազդատուներն, ինչպիսիք են Danone-ը, Nestle-ն և ուրիշներ:

Տեղի գովազդային գործակալություններից մեկի ղեկավարը հայտնել է, որ իրենց հաճախորդներից շատերը դադարեցրել են հեռուստատեսությամբ ցուցադրվող գովազդը: Նա նշել է, որ այդ գործընթացն անցյալ շաբաթ է սկսվել. քանի որ հեռուստատեսությունը չի կարող միանգամից հանել գովազդը, դա մի քանի օր է պահանջում:

Բելառուսական պետական հեռուստաալիքների աշխատակիցների մի մասը ներկա պահին գործադուլ է իրականացնում, ինչպես տարբեր ոլորտներում գործող մի շարք այլ ընկերություններ: