Մինսկում ուժայինները ծեծի են ենթարկել ՀՀ քաղաքացու
Մինսկում ընթացող բողոքի ակցիաների ժամանակ ուժայինները ձերբակալել են ՀՀ քաղաքացի Վարդան Գրիգորյանին և նրան տեղափոխել Մինսկի Օկրեստինի փողոցում գտնվող Իրավախախտների մեկուսացման վայր, հայտնում է nn.by:
Նշվում է, որ զանգվածային ցույցերի ընթացքում ձերբակալվածը հայտարարել է, որ ցույցերին չի մասնակցել, պարզապես այդ պահին փողոցում է եղել։ Գրիգորյանի խոսքով՝ ինքը Բելառուս էր եկել քաղաքական ապաստան խնդրելու։
Հայտնվելով Մինսկի Օկրեստինի փողոցում գտնվող քննչական մեկուսարանում ծեծի ենթարկվելուց հետո, տղամարդը տեղափոխվել է հիվանդանոց։ Հիվանդանոցից դուրս գրվելով, Գրիգորյանը վերադարձել է մեկուսարան՝ փաստաթղթերը վերցնելու։ Գրիգորյանի դեմքին և մեջքին մահակի հարվածների հետքեր կան։
