Ադրբեջանական կողմի անհաջող հարձակումից հետո կատարվում է լրահետախուզում․ ՊՆ խոսնակ

Հուլիսի 21-ին, ժամը 22:30-ի սահմաններում հայ-ադրբեջանական պետական սահմանագոտու հյուսիսարևելյան հատվածում տեղակայված «Անվախ» դիրքի ուղղությամբ ադրբեջանական ԶՈւ հատուկ նշանակության ստորաբաժանման ձեռնարկած անհաջող հարձակումից հետո կատարվում է լրահետախուզում։ Այս մասին իր ֆեյսբուքյան էջում հայտնում է ՀՀ ՊՆ խոսնակ Շուշան Ստեփանյանը։

Քիչ առաջ Ստեփանյանը տեղեկացրել էր, որ հայ-ադրբեջանական սահմանին հուլիսի 21-ի լույս 22-ի գիշերը, ինչպես նաև այս պահին, պահպանվել է հարաբերական անդորր։ Հակառակորդը սահմանի առանձին հատվածներում հրաձգային զինատեսակներից խախտել է կրակի դադարեցման ռեժիմը 7 անգամ` հայկական դիրքերի ուղղությամբ արձակելով շուրջ 20 կրակոց:

Ավելի վաղ կատարված մեկ այլ գրառմամբ խոսնակը հայտնել էր, որ չնայած 00:47-ի դրությամբ կրակոցներ չկան, այնուամենայնիվ, Ադրբեջանի ԶՈՒ ղեկավարությունը չի տիրապետում իրավիճակին։