ՀՀ արդարադատության նախարար Ռուստամ Բադասյանը, այսօր՝ հուլիսի 13-ին, ԱԺ-ում լրագրողների հետ զրույցում նշեց, որ Սահմանադրական փոփոխությունների հանձնաժողովը պատրաստ է լսել ցանկացած առաջարկություն եւ կազմակերպել քննարկումներ, առավել եւս, որ ՀՀ նախագահի կողմից է առաջարկ հնչում: Նա նաև անդրադարձավ, որ ՀՀ նախագահ Արմեն Սարգսյանն առաջարկել էր, որ ՍԴ դատավորներից երեքին նշանակի հենց ՀՀ նախագահը, ոչ թե առաջարկի թեկնածուներ Ազգային ժողովին:

«Դրան իհարկե, կանդրադառնանք, կանդրադառնանք այս գործող մոդելի շրջանակներում: Գիտեք, որ այս մոդելը թե միջազգային հանրության համար է ընդունելի, թե մենք ենք կարծում, որ բավական կշռադատված մոդել է ընտրվել այն առումով, որ տարբեր սահմանադրական մարմիններ են պրոցեսին մասնակցում:

Գործող մոդելը հակակշիռներ ապահովում է, եւ Վենետիկի հանձնաժողովն էլ է դա արձանագրել»,-ասաց Բադասյանը: