Ժամանակավորապես կասեցվել է ՃՈ Աշտարակի հաշվառման-քննական ստորաբաժանման աշխատանքը
Ճանապարհային Ոստիկանությունը տեղեկացնում է, որ համավարակի հնարավոր տարածումը կանխելու, տարածքն ախտահանելու և կանխարգելիչ այլ միջոցառումներ իրականացնելու նպատակով ժամանակավորապես կասեցվել է Ճանապարհային ոստիկանության Արագածոտնի մարզի Աշտարակ քաղաքի հաշվառման-քննական ստորաբաժանման աշխատանքը:
«Ստորաբաժանման աշխատանքի վերսկսման մասին կտրվի լրացուցիչ տեղեկատվություն: Այն անձինք, որոնք անհետաձգելի գործարքների անհրաժեշտություն ունեն, կարող են դիմել մոտակա հաշվառման-քննական ստորաբաժանում:
Որոշակի անհարմարությունների համար հայցում ենք քաղաքացիների ներողամտությունը»,-նշված է ՃՈ-ի ֆեյսբուքյան էջում կատարված գրառման մեջ:
