Ի՞նչ ծառատեսակներ և բույսեր են տնկվել Երևանում. Հակոբ Կարապետյանը մանրամասներ է հայտնել
ՀՀ քաղաքապետի մամուլի խոսնակ Հակոբ Կարապետյանը գրառում է կատարել իր ֆեյսբուքյան էջում, որում հայտնել է, որ Երևանում վերջին 3 ամսում տնկվել և ավելացվել է 18.500 թուփ (13.385 ծաղկող և 172 մշտադալար), 300.000 ծաղիկ (864 բնափայտավոր լիան, 10.740 վարդ), 146 պարտեզային ծառ, 20.000 քմ սիզամարգ:
«Աշխատանքն իրականացվել է երկարատև ծաղկող այգու սկզբունքով: Ընտրվել են տարվա բոլոր եղանակներին ծաղկող բուսատեսակներ, որոնք միմյանց հաջորդելով կծաղկեն, և քաղաքը միշտ կանաչ կլինի:
Ավանդական դարձած բուսատեսակների կողքին քաղաքում հայտնվել են նաև ծառատեսակների թանկարժեք պարտեզային ձևեր՝ սակուրա, գնդաձև կատալպա, սզնի, սուկուլենտ թխկի և այլն:
Կանաչապատում իրականացվում է քաղաքի բոլոր վարչական շրջաններում»,- գրել է նա:
