Քաղաքականություն

Թուրքիայի քաղաքացիների մուտքը ԵՄ արգելված է. Չավուշօղլուն դժգոհել է

Թուրքիայի քաղաքացիների մուտքը ԵՄ արգելված է. Չավուշօղլուն դժգոհել է
Ermenihaber-ը հայտնում է, որ  Թուրքիայի արտգործնախարար Մևլութ Չավուշօղլուն «քաղաքական» է որակել Եվրամիության այն որոշումը, ըստ որի՝ Թուրքիայի քաղաքացիների մուտքը ԵՄ շարունակում է արգելված…

Ermenihaber-ը հայտնում է, որ  Թուրքիայի արտգործնախարար Մևլութ Չավուշօղլուն «քաղաքական» է որակել Եվրամիության այն որոշումը, ըստ որի՝ Թուրքիայի քաղաքացիների մուտքը ԵՄ շարունակում է արգելված մնալ։Չավուշօղլուն պնդել է, որ ԵՄ-ն անարդար է վարվում Թուրքիայի նկատմամբ․

«Որոշ երկրների համար սահմանները բացվել են՝ չնայած այնտեղ կորոնավիճակագրությունը բոլորովին էլ լավ չէ։ Բայց քանի որ այդ երկրների հետ քաղաքական հարաբերությունները լավ են, նրանց շնորհ են արել, ինչը սխալ քայլ է», – հայտարարել է թուրք նախարարը։

Հիշեցնենք, որ օրերս Եվրամիությունը հրապարակել էր ԵՄ անդամ երկրների համար խորհրդատվական նշանակություն ունեցող մի որոշում, որով առաջարկվում էր Շենգենյան գոտուց դուրս գտնվող որոշ երկրների համար վերաբացել սահմանները։ Հուլիսի 1-ից կիրառվող այդ որոշմամբ առաջին հերթին նախատեսվում է թույլատրել Ալժիրի, Ավստրալիայի, Կանադայի, Վրաստանի, Ճապոնիայի, Չեռնոգորիայի, Մարոկկոյի, Նոր Զելանդիայի, Ռուանդայի Սերբիայի, Հարավային Կորեայի, Թաիլանդի, Թունիսի ու Ուրուգվայի քաղաքացիների մուտքը։

Մինչդեռ Թուրքիայի, ԱՄՆ-ի, Ռուսաստանի, Բրազիլիայի ու Հնդկաստանի համար կորոնավիրուսի պատճառով նախկինում սահմանված սահմանափակումները շարունակում են ակտուալ մնալ, քանի որ այդ երկրներում համաճարակային իրավիճակը շարունակում է սրված մնալ։


 

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7589) Միջազգային (3359) ԱՄՆ (2304) Ռուսաստան (2124) Իրան (1752) Ընտրություններ (1274) Ուկրաինա (835) Երևան (801) Իսրայել (761) Ադրբեջան (629) Փաշինյան (564) Եվրոպա (512) Ընդդիմություն (445) Ազգային ժողով (439) Թրամփ (433)

Radio Aurora

Լսել Radio Aurora

Գովազդային տարածք

300x250