Ազգային ժողովը միաձայն ընդունեց Արժույթի միջազգային հիմնադրամից պարտք վերցնելու մասին նամակ-համաձայնագիրը։ Դրա վերաբերյալ քվեարկությունը 88 կողմ ձայն հավաքեց։

Համաձայնագրի համաձայն՝ վարկի մի մասը՝ շուրջ 280 միլիոն դոլարը, անմիջապես հասանելի է դառնալու և հնարավոր է լինելու ծախսել բյուջեն կատարելու համար։ Եվս մոտ 35 միլիոն դոլար ստացվելու է աշնանը՝ նույն նպատակով։

Նշենք, որ ԲՀԿ խմբակցությունը չէր մասնակցոմ քվեարկությանը

Ֆինանսների նախարարի տեղակալ Արմեն Հայրապետյանը նիստի ընթացքում հայտնել էր, որ կառավարությունը 150 միլիարդ դրամի հակաճգնաժամային փաթեթ է ընդունել, որի համար էլ գումար է անհրաժեշտ, քանի որ 260 միլիարդ դրամի ճեղք է առաջացել։