ՏԵՍԱՆՅՈՒԹ. Ծառուկյանի հարցով քվեարկությունից առաջ ԱԺ-ի մոտ ոստիկանական ուժեր են հավաքվել
ԱԺ ԲՀԿ խմբակցության ղեկավար Գագիկ Ծառուկյանին պատգամավորական անձեռնմխելիությունից զրկելու հարցով քվեարկությունից առաջ ԱԺ-ի մոտ ոստիկանական ուժեր են հավաքվել:
Հիշեցնենք՝ երեկ ԱԺ նախագահ Արարատ Միրզոյանը հայտարարություն էր տարածել, որում ասվում էր.
«Համաձայն «Ազգային ժողովի կանոնակարգ» սահմանադրական օրենքի 108-րդ հոդվածի 1-ին մասի՝ տեղեկացնում եմ, ՀՀ գլխավոր դատախազի կողմից ստացել եմ ՀՀ Ազգային ժողովի պատգամավոր Գագիկ Կոլյայի Ծառուկյանի նկատմամբ քրեական հետապնդում հարուցելուն համաձայնություն տալու վերաբերյալ և ՀՀ Ազգային ժողովի պատգամավոր Գագիկ Կոլյայի Ծառուկյանին ազատությունից զրկելուն համաձայնություն տալու վերաբերյալ միջնորդագրեր։
Հարցն ընդգրկվել է հունիսի 15-ին մեկնարկող հերթական նիստերի օրակարգում»։
