Վարչապետ Նիկոլ Փաշինյանի ֆեյսբուքյան էջում վերջին օրերին լուսանկարներ ու տեսանյութեր են հրապարակվում ողջ հանրապետությունում արձանագրված իրավախախտումներից, երբ մարդիկ խնջույքներ, հարսանիքներ են անում, չեն պահպանում սոցիալական հեռավորությունը, չեն կրում անհատական պաշտպանիչ միջոցներ և այլն։

Այս հրապարակումներից որոշները, ինչպես հետո պարզվեց, չէին համապատասխանում իրականությանը և հեռացվեցին վարչապետի էջից։ 

ArmDaily.am-ը վարչապետի օգնական Նաիրի Սարգսյանից հետաքրքրվեց, թե ո՞վ և ինչ սկզբունքով է ընտրում լուսանկարները։ Ի պատասխան մեր հարցին՝ Սարգսյանը նշեց. «Լուսանկարներն ու տեսանյութերը ընտրում ենք ես, վարչապետը և ևս մի քանի աշխատակիցներ ունենք, որ մինչ ստացված լուսանկարների հրապարակելը փորձում ենք մաքսիմալ հավաստիանալ, որ լուսանկարն ուղարկողը ճիշտ տեղեկություն է տրամադրել, ապա նոր հրապարակում ենք»։

Դիտարկմանը, որ ամեն դեպքում կային հրապարակումներ, որոնք ինչպես հետո պարզվեց, չէին համապատասխանում իրականությանը՝ նա արձագանքեց. «Ամեն րոպե մոտ 10 նամակ ենք ստանում օգտատերերից, որոնք նայում ու հրապարակում են, այդքան մեծ ծավալը ստուգելը տեխնիկապես դժվար է»։

Մանրամասները սկզբնաղբյուր կայքում։