«Կորոնավիրուսը հարվածել է մեր տնտեսությանը, և հիմա մենք աշխատում ենք հակաճգնաժամային միջոցառումների վրա։ Մինչ համավարակը՝ նախորդ տարվա ընթացքում, Հայաստանի տնտեսական աճը 7,6 տոկոս էր»,- «Միր 24»-ին տված հարցազրույցում ասել է ՀՀ վարչապետ Նիկոլ Փաշինյանը։ 

Նա նշել է, որ այժմ հակաճգնաժամային 17 միջոցառում են գործարկել, և դրանց արդյունքում Հայաստանի 1 միլիոն բնակիչ ստացել է օժանդակություն։ 

«Պետք է ասեմ, որ Հայաստանում, իհարկե, կա որոշակի սոցիալական լարվածություն։ Բայց մեզ առայժմ հաջողվում է խուսափել սոցիալական ճգնաժամից։ Ինչո՞ւ եմ ասում՝ «առայժմ», որովհետև հայտնի չէ՝ որքան կտևի այս իրավիճակը», – ասել է Փաշինյանը։ 

Վարչապետի գնահատմամբ՝ այժմ արդեն համաշխարհային տնտեսությունը մտել է ռեցեսիայի փուլ։ Ըստ նրա՝ պետք է շատ աշխատել, որ տնտեսական ճգնաժամը հումանիտար ճգնաժամի չվերաճի։ Փաշինյանը վստահություն է հայտնել, որ կհաջողվի դրանից խուսափել։