Շիրակի փողոցում դիտահորի թերի կառուցման պատճառով «մարդաբոյ» փոս է առաջացել. Shamshyan
Այն, որ վերջին օրերին Երևանում շարունակվում է ասֆալտապատման աշխատանքները անգամ անձրևային եղանակին, դա փաստ է, սակայն, ցավոք, Շենգավիթ վարչական շրջանի Շիրակի փողոցում դիտահորի թերի կառուցման պատճառով հսկայական «մարդաբոյ» փոս է առաջացել, ինչն էլ վարորդների համար դարձել է մի իսկական պատուհաս։ Երեկ՝ ապրիլի 24-ին, SHAMSHYAN.com-ը 5 ահազանգ է ստացել տարբեր ժամերին նշված վայրից, և վարորդներն արդարացիորեն բարձրաձայնում էին, որ նշված փոսի պատճառով ավտոմեքենաները կոտրվել են. «Ոչ լուսային, ոչ էլ անվտանգության ոչ մի ցուցանակ տեղադրված չի, մինչդեռ Երևանի քաղաքապետարան ու Շենգավիթի թաղապետարանը պարտավոր էին հետևողական լինել, որպեսզի թերի աշխատանքներ կատարող կազմակերպությունը մինչև դիտահորը կարգի բերելը, նշված հատվածում ապահովեին այդ խնդիրը»։ Լրատվամիջոցը փորձում է պարզել՝ դիտահորի համար ով է պատասխանատու՝ «Վեոլիա Ջո՞ւր»-ը, թե՞ «Արմենթել»-ը, քանի որ ահազանգած բնակիչների մի մասը նշում էին, որ այդտեղով ջրագիծ է անցնում, մի մասն էլ՝ հեռախոսային մալուխներ։
