Հայաստանում ապրիլի 26-ի դրությամբ հաստատվել է կորոնավիրուսով վարակման 69 նոր դեպք։ Վարակվածների ընդհանուր թիվը հասել է 1746-ի: Այս մասին տեղեկացնում է ՀՀ ԱՆ հիվանդությունների վերահսկման և կանխարգելման ազգային կենտրոնը:

Վերջին օրվա ընթացքում մահվան դեպքեր չեն արձանագրվել: Կորոնավիրուսից գրանցված մահվան դեպքերի ընդհանուր թիվը 28 է:

Մեկ օրում առողջացածների թիվը 30 է, ընդհանուր առողջացածներինը՝ 833 փաստացի բուժվողներինը՝ 885:

Ընդհանուր առմամբ թեստավորվել է 17931 քաղաքացի: