Էրդողանն ու Թրամփը հեռախոսազրույց են ունեցել

Թուրքիայի նախագահ Ռեջեփ Թայիփ Էրդողանը և ԱՄՆ նախագահ Դոնալդ Թրամփը հեռախոսազրույց են ունեցել՝  քննարկելով տարածաշրջանային և երկկողմանի մի շարք հարցեր:

Թուրքիայի նախագահի հասարակայնության հետ կապերի վարչության ղեկավար Ֆահրեթթին Ալթունի փոխանցմամբ՝ ղեկավարները համաձայնվել են առողջապահության և տնտեսության ոլորտներում շարունակել սերտ համագործակցությունը` ուղղված կորոնավիրուսի դեմ պայքարին:

Հեռախոսազրույցին անդրադարձել է նաև Սպիտակ տան մամուլի քարտուղարը:

«Այսօր նախագահ Դոնալդ Թրամփը զրուցել է Թուրքիայի նախագահ Ռեջեփ Թայիփ Էրդողանի հետ: Նախագահ Թրամփն ու նախագահ Էրդողանը խոսել են կորոնավիրուսի հետ կապված վերջին իրադարձություններից, համաշխարհային տնտեսության խնդիրներից, ինչպես նաև քննարկել են տարածաշրջանային և երկկողմ համագործակցության մի շարք հարցեր»,-նշել է Սպիտակ տան մամուլի քարտուղար Սարա Սանդերսը:  

Նոր տեսակի կորոնավիրուսով վարակվածների թիվն ամբողջ աշխարհում 2 407 439 է, մահացել է 165 073 մարդ: Առողջապահության համաշխարհային կազմակերպությունը կորոնավիրուսի համավարակ է հայտարարել մարտի 11-ին: Վիրուսը տարածվել է 210 երկրում: Համաճարակի բռնկման մասին Չինաստանի իշխանություններն ԱՀԿ-ին հայտնել են դեկտեմբերի 31-ին: