Թուրքիայից Հայաստան եկած քաղաքացու մոտ 229 գրամ մեթամֆետամին է հայտնաբերվել
Մարտի 13-ին քրեական ոստիկանության գլխավոր վարչությունում ստացված տեղեկություններն իրացնելով՝ նույն վարչության և ՊԵԿ մաքսանենգության դեմ պայքարի վարչության ծառայողները Բագրատաշենի սահմանային անցակետում Թուրքիայից Հայաստան ժամանող քաղաքացուն ենթարկել են մաքսային զննման։
Արդյունքում` հայտնաբերվել է պոլիէթիլենային 2 տոպրակում փաթեթավորված շուրջ 229 գրամ մեթամֆետամին թմրամիջոց։
Փաստի առթիվ ՊԵԿ քննչական վարչությունում հարուցվել է քրեական գործ։
Քաղաքացին ձերբակալվել է։ Կատարվում է նախաքննություն։ Այս մասին այսօր տեղեկացրել է ՀՀ ոստիկանությունը:
