Սիրիական Հալեպ քաղաքի ծայրամասերի ուղղությամբ գրոհայիններն ականանետային հարվածներ են հասցրել, հայտնում է РИА Новости-ն:

Արկերից մեկը ընկել է ուսուցչուհի Գադա Ագեդի տան վրա:

«Կուրացնող պայթյուն եղավ: Որոշ ժամանակ ես չէի կարող տեսնել որևէ բան: Ընկերուհիներս գոռում էին, երեխաները վազում դեպի հետևի սենյակ և մինչ այժմ վախենում են դուրս գալ: Իսկ ես հիմա այնքան էլ լավ չեմ լսում», - ասել է Ագեդին լրագրողներին:

Ուսուցչուհին և նրա ընկերները ցնցումներ են ստացել։ Երկու կին հոսպիտալացվել է, նրանք ունեն ցնցումներ և ականջի վնասվածքներ: