Գյումրի-Բավրա ճանապարհին ավտոմեքենան ձնաբքի պատճառով կիսով չափ կախվել է ձորը

Հունվարի 31-ին, ժամը 21:34-ին 911 ահազանգման կենտրոն տեղեկություն է հաղորդվել, որ Գյումրի-Բավրա ավտոճանապարհին՝ «Ղոչի աղբյուր» կոչվող հատվածում, ավտոմեքենան ձնաբքի պատճառով դուրս է եկել ճանապարհի երթևեկելի հատվածից և կիսով չափ կախվել ձորը. դուրս բերելու համար անհրաժեշտ է փրկարարների օգնությունը: Այս մասին հայտնում են ԱԻՆ-ից:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Փրկարարները «Mercedes C180» մակնիշի ավտոմեքենան (վարորդ` Մանվել Մ.) դուրս են բերել ճանապարհի երթևեկելի հատված: