![Խաչատուրյան քույրերի նկատմամբ քրեական հետապնդումը կարող է դադարեցվել. մանրամասներ](https://auroranews.am/storage/img/base_image/old/2f7a1cc17c3fc3b68b03c3b81a161ec1.webp)
Խաչատուրյան քույրերի նկատմամբ քրեական հետապնդումը կարող է դադարեցվել. մանրամասներ
![Խաչատուրյան քույրերի նկատմամբ քրեական հետապնդումը կարող է դադարեցվել. մանրամասներ](https://auroranews.am/storage/img/base_image/old/2f7a1cc17c3fc3b68b03c3b81a161ec1.webp)
Ռուսաստանի Գլխավոր դատախազությունը Քննչական կոմիտեին պարտավորեցրել է Խաչատուրյան քույրերի մեղադրանքը վերաձևակերպել՝ սպանության փոխարեն դարձնելով անհրաժեշտ պաշտպանություն: Ինչպես հայտնում է «ՏԱՍՍ» գործակալությունը, այս մասին հայտնել է փաստաբան Ալեքսեյ Պարշինը:
Վերջինս նշել է, որ ՌԴ գլխավոր դատախազի տեղակալ Վիկտոր Գրինը հրաժարվել է հաստատել մեղադրական եզրակացությունը:
«Քննությունը, ճանաչելով Խաչատուրյան քույրերի՝ հոր կողմից կյանքի ու առողջության համար վտանգավոր, պարբերական բռնության ենթարկվելու փաստը, միևնույն ժամանակ հաշվի չի առել քույրերի նկատմամբ ոտնձգությունների վերջնական նպատակի վրա դրա ազդեցությունը»,- ասել է նա:
Փաստաբանը հավելել է, որ Խաչատուրյան քույրերը պատասխան են տվել հոր ոտնձգություններին, որոնք սպառնալիք էին իրենց կյանքին ու առողջությանը: Նա նաև նշել է, որ աղջիկների գործողությունը պետք է գնահատել իբրև ինքնապաշտպանություն, որն էլ նշանակում է քրեական հետապնդման դադարեցում: