Հատուկ քննչական ծառայությունը  մերժել է ԱԺ անկախ պատգամավոր Արման Բաբաջանյանի վերաբերյալ ԱԺ աշխատակազմի ղեկավարի նախկին տեղակալ Արսեն Բաբայանի հաղորդման հիման վրա քրեական գործի հարուցումը՝ հանցակազմի բացակայության հիմքով։ Այս մասին «Արմենպրես»-ի hետ զրույցում հայտնել են ՀՔԾ մամուլի ծառայությունից:

Արսեն Բաբայանը բաց նամակով դիմել էր ՀՀ գլխավոր դատախազին՝ հայտնելով, թե Արման Բաբաջանյանի գրառումներից մեկի մեջ կա հանցակազմ՝ դատավորին անհարկի մեղադրել առանձնապես ծանր հանցագործություն կատարելու մեջ: