Այսօր ԱԺ-ում ծննդատների փակման մասին հարցին անդրադառնալիս վարչապետ Նիկոլ Փաշինյանը հարց բարձրացրեց՝ ինչո՞ւ է Մարալիկը ևս 25 բնակավայրի սպասարկում, և ինչու ամեն բնակավայրում ծննդատուն չկա։ Նա ինքն էլ պատասխանեց այդ հարցին՝ որովհետև դա տրամաբանական պահանջ չէ։

«Դա մոտավորապես նույնն է, որ Երևան քաղաքում մենք պահանջենք, որ ամեն շենքի մոտ լինի ծննդատուն»,- ասաց Փաշինյանը։

Փաշինյանը հարցրեց՝ ինչո՞ւ է նորմալ, որ հարակից բնակավայրերից գնան Մարալիկ, բայց ոչ նույն հեռավորության վրա գտնվող Արթիկ կամ Գյումրի։ Վարչապետի խոսքերով՝ գուցե ավելի տեղին կլինի ճանապարհները նորոգել ու շտապօգնության մեքենաներ ունենալ, որ ծննդկաններն առանց խնդիր հասնեն ծննդատուն։