Այս տարի ՊԵԿ-ում պարգևավճարները կազմել են 5.8 մլրդ դրամ․ Դավիթ Անանյան

Այս տարի ՊԵԿ-ում պարգևավճարները կազմել են 5.8 մլրդ դրամ։ Այս մասին այսօր լրագրողների հետ զրույցում ասաց ՊԵԿ նախագահ Դավիթ Անանյանը։ 

Լրագրողի դիտարկմանը, թե այս տարի՝ ի տարբերություն նախորդ տարվա դժգոհության մեծ ալիք չբարձրացավ՝ Անանյանն ասաց․  «Հանրության հետ այս թեմայով երկխոսելու և որոշ մտքեր ներկայացնելու անհրաժեշտութուն կար։ Եթե մենք ուզում ենք ունենալ պրոֆեսիոնալ անձնակազմ, ապա մեր մասնագետները մասնավոր հատվածի նույն մասնագետների հետ ֆինանսական առումով մրցունակ պետք է լինի, մինչդեռ, մեր հարկային տեսուչները մասնավոր ոլորտի համար պատրաստի ֆինանսական տնօրեն են, որոնք բավական բարձր են վճարվում»։