Զերծ մնացեք ոչ հավաստի տեղեկատվության տարածումից․ Քաղաքացիական ավիացիայի կոմիտե

Քաղաքացիական ավիացիայի կոմիտեն ֆեյսբուքյան էջում հաղորդագրություն է տարածել. «Տեղեկացնում ենք, որ ս.թ. հունվարի 10-ի «Armenia Airways» ավիաընկերության Երևան-Թեհերան-Երևան չվերթը կայանալու է` ըստ նախատեսված ժամանակացույցի։

Մինչդեռ, «UR» ավիաընկերության կողմից ս.թ. հունվարի 12-ին նախատեսած Էրբիլ-Երրևան-Էրբիլ չվերթը չեղարկվել է ավիաընկերության նախաձեռնությամբ։

Կոչ ենք անում զերծ մնալ ոչ հավաստի տեղեկատվության տարածումից և հետևել մեր պաշտոնական հաղորդագրություններին։

Քաղաքացիական ավիացիայի կոմիտեն շարունակում է հետևել իրադարձությունների հետագա զարգացմանը»։