Զելենսկին ուկրաինական ինքնաթիռի վթարի պատճառով ընդհատել է այցը Օման
Ուկրաինայի նախագահ Վլադիմիր Զելենսկին ուկրաինական ինքնաթիռի վթարի պատճառով, ընդհատել է այցը Օման և վերադարձել է Կիև: Այս մասին հայտնել է Ուկրաինայի նախագահի մամուլի ծառայությունը:
«Ուկրաինայի նախագահ Վլադիմիր Զելենսկին Թեհրանում Ուկրաինական ավիաուղիների ինքնաթիռի վթարի պատճառով շտապ ընդհատեց այցն Օման և վերադառնում է Կիև», - ասվում է հայտարարության մեջ:
Հիշեցնենք՝ այսօր առավոտյան Թեհրանից Կիև թռչող ուկրաինական Boeing 737 ինքնաթիռը վթարի է ենթարկվել Իմամ Խոմեյնիի օդանավակայանի մոտակայքում: Նախնական տվյալներով ՝ վթարի հետևանքով զոհվել են ինքնաթիռի բոլոր ուղևորներն ու անձնակազմը։
ՀՀ ԱԳՆ-ն հայտարարել է, որ Boeing-737 ինքնաթիռի կործանման հետևանքով զոհերի ցանկում ՀՀ քաղաքացիների առկայության մասին տեղեկատվությունը ճշտվում է:
