Պուտինն ու Էրդողանը պաշտոնապես գործարկեցին «Թուրքական հոսք» գազատարը
Ռուսաստանի եւ Թուրքիայի նախագահներ Վլադիմիր Պուտինն ու Ռեջեփ Թայիբ Էրդողանը այսօր պաշտոնապես բացեցին «Թուրքական հոսք» գազատարը։
Պաշտոնական արարողությունը տեղի ունեցավ Ստամբուլում, մասնակցում էին նաեւ Սերբիայի նախագահ Ալեքսանդր Վուչիչն ու Բուլղարիայի վարչապետ Բոյկո Բորիսովը։
Իր ելույթում ՌԴ նախագահ Վլադիմիր Պուտինը նշել է, որ գազատարի բացումը կարեւոր իրադարձություն է ոչ միայն Ռուսաստանի եւ Թուրքիայի, այլեւ ողջ եվրոպական կոնտինգենտի։
Նա նշել է, որ «Թուրքական հոսք» նախագծի իրականացումը խոսում է այն մասին, որ ռուս-թուրքական համագործակցությունը նշանակալի արդյունքներ է տալիս։
Սև ծովի հատակով ձգվող գազատարը կառուցվել է 5 տարվա ընթացքում։ Դրա միջոցով Ռուսաստանը կարող է տարեկան ավելի քան 30 միլիարդ խորանարդ մետր գազ մատակարարել Թուրքիայի արևմուտք, ինչպես նաեւ Կենտրոնական Եվրոպայի երկրներին, ներառյալ՝ Բուլղարիային, Սերբիային, Հունգարիային։
