Իրաքն ԱՄՆ-ին և Իրանին կոչ է անում զսպվածություն ցուցաբերել ու հարգել իրաքյան պետությունը: Տարածաշրջանում ճգնաժամը կարող է շրջվել կործանարար պատերազմով: Այս մասին հայտարարել է  Իրաքի վարչապետ Ադել Աբդել Մահդիի մամուլի ծառայությունը, հաղորդում է ՏԱՍՍ-ը: 

«Մենք կոչ ենք արել և կոչ ենք անում զսպվածություն դրսևորել, պահպանել միջազգային իրավունքները, հարգել իրաքյան պետությունը և նրա կառավարության որոշումները: Մենք կոչ ենք անում օգնել զսպել և հաղթահարել այս լուրջ ճգնաժամը, որը տարածաշրջանին և աշխարհին սպառնում է կործանարար, համընդգրկուն պատերազմով»,- նշված է հայտարարության մեջ: ՏԱՍՍ-ի փոխանցմամբ` Իրաքը նախազգուշացվել է պատրաստվող հարձակումների մասին և նախազգուշական միջոցառումներ են ձեռնարկվել: