Իրանի պատասխանն ամերիկյան գործողությանը ավարտված է․ Զարիֆ
Իրանի արտաքին գործերի նախարար Մոհամմադ Ջավադ Զարիֆը հայտարարել է, որ «Իրանն օգտվելով ՄԱԿ-ի 51-րդ հոդվածի համաձայն սահմանված ինքնապաշտպանության իրավունքից։ Իրանի համաչափ պատասխանն ամերիկյան գործողությանը ավարտված է։ Հարվածներ հասցվել են այն ռազմաբազաներին, որտեղից հարձակում էր կատարվել Իրանի քաղաքացիների վրա։ Իրանը չի փնտրում պատերազմ և չի ցանկանում, որ լինի վիճակի լարում, սակայն պաշտպանվելու է ցանկացած ագրեսիայի դեպքում»։
Ավելի վաղ հայտնել էինք, որ Իրաքի արեւմուտքում տեղակայված Այն ալ-Ասադ ռազմաբազան, որտեղ կենտրոնացած են ամերիկյան զինվորականները, Իրանի կողմից ենթարկվել է հրթիռային հարվածների:
Իրանական Press TV հեռուստաընկերությունը հայտնել է, որ Իրանի կողմից Իրաքում ամերիկյան ռազմաբազաների հրթիռակոծման հետեւանքով զոհվել է 80 մարդ:
