Երևանի քաղաքապետ Հայկ Մարությանն իր ֆեյսբուքյան էջում գրել է, որ 10 վարչական շրջաններում նախատեսած 20 վերելակների փոխարինման աշխատանքն այսօր արդեն ամբողջությամբ ավարտվել է: Քաղաքապետն անդրադարձել է նաև 2020-ի համար պլանավորված անելիքներին:

«Սա, իհարկե, վերելակների թարմացման մեր մեծ խնդրի մի փոքր մասի լուծումն է՝ փորձնական ծրագրով: 2020-ին առնվազն 100 վերելակ կփոխարինենք, իսկ հետագայում արդեն կգործարկենք 3500 մաշված վերելակների փոոխարինման հիմնական ծրագիրը՝ համայնք-բնակիչ համագործակցության շրջանակում»,- գրել է Մարությանը: