ԱՀԱԶԱՆԳ. Կորյուն-Աբովյան խաչմերուկում հատված բնական եղևնիներ են վաճառվում
Auroranews.am-ը ահազանգ է ստացել, որ այսօր առավոտյան Կորյուն-Աբովյան խաչմերուկում գետնանցումի մոտ վաճառում են հատված բնական եղևնիներ:
Տեղեկանալու համար արդյոք սա բնապհապանական խախտում չէ զանգահարեցինք Երևանի քաղաքապետի մամուլի խոսնակ Հակոբ Կարապետյանին, որը մեզ հետ զրույցում ասաց, որ նման առևտուրը քաղաքի այդ հատվածում օրենքով արգելված է և քաղաքապետարանը այդ հարցով արդեն ահազանգել է քաղաքապետարանին առընթեր Առևտրի և սպասարկամ վարչություն:
Կարապետյանը նաև տեղեկացրեց, որ կան դեպքեր, երբ եղևնիների վաճառքը օրենքով թույլատրվում է, սակայն դա այն դեպքում, երբ եղևնիները հատված չեն Հայաստանում , այսինքն դրանք բերված են հարևան երկրներից:
«Այս հարցերի շուրջ Բնապահպանության տեսչական մարմինը մշտական վերահսկողություն է իրականացնում, այս հարցով նույնպես կզբաղվեն»- նշեց Կարապետյանը:
