Տուլայում ի հիշատակ հայ գեներալի հուշարձան է տեղադրվել

ՌԴ Տուլա քաղաքում տեղադրվել է հուշարձան՝ ի հիշատակ 340-րդ հրաձգային դիվիզիայի հրամանատար Սարգիս Մարտիրոսյանի:

1941թ. դեկտեմբերին 340-րդ հրաձգային դիվիզիան՝ Սարգիս Սողոմոնի Մարտիրոսյանի հրամանատարությամբ, մասնակցություն է ունեցել Ալեքսինի շրջանի ազատագրման մարտերին: Մարտերի ժամանակ դիվիզիան ոչնչացրել է շուրջ 3000 հիտլերականի: 

Նրանց ուժերով ազատագրվել է 35 բնակավայր: Ճակատամարտում դիվիզիան տվել է 256 զոհ, 690 վիրավոր: Անհետ կորել է 35 մարդ: Այս մասին գրում է «Тульские известия» պարբերականը: