ՏԵՍԱՆՅՈՒԹ. Դպրոցներն այդ վիճակում են, որովհետև Դուք այստեղ նստած ՀՀԿ-ի հետ կնոպկա եք սեղմել. Սիմոնյանը՝ Զոհրաբյանին
Ազգային ժողովում քննարկվում է «Սահմանադրական դատարանի մասին» սահմանադրական օրենքում լրացում կատարելու մասին հարցը: Նախագծով առաջարկվում է, որ ՍԴ դատավորները մինչև թոշակի տարիքի հասնելը կարող են ստանալ կենսաթոշակ՝ հրաժարական ներկայացնելու օրվա դրությամբ հաշվարկված աշխատավարձի և այդ գումարից հաշվարկված եկամտային հարկի տարբերության չափով:
«Այո՛, դպրոցներն այդ վիճակում են, տիկին Զոհրաբյան: Իսկ ինչի՞ են էդ վիճակում: Արդեն 30 տարվա անկախություն ունենք, բա ինչի՞ են էդ վիճակում: Էն պատճառով, որ նաև դուք այստեղ նստած հանրապետականի հետ կնոպկա եք սեղմել: Մենք դպրոցները կվերանորոգենք, ինչպես վերանորոգեցինք ճանապարհները, ինչպես սպասարկման առումով բանակի հարցն ենք լուծում: Որևիցե մեկը թող դրա մեջ չանհանգստանա: Էսօր մենք ունենք խնդիր ու էդ խնդրի մասին խոսում են բոլորը: Ու ես անկեղծ ասած զարմանում եմ, որ պարոն Գորգիսյանն ասում է՝ կողծ օրակարգ է: Էդ էն տրամաբանությունից է էլի, որ Սերժը մեղավոր չի, կողքիններն են մեղավոր: Էդ ո՞նց է ստացվում, որ ՀՀ դատական իշխանությունը ոչ մի կապ չունի»,- հայտարարեց ԱԺ փոխխոսնակ Ալեն Սիմոնյանը:
Սիմոնյանի խոսքով՝ Սահմանադրական դատարանի որոշումները պետք է տանես կոֆեի բաժակ նայողների մոտ, որպեսզի հասկանաս, թե ինչ են գրել:
