Պոմպեոն ՌԴ-ին կոչ է անում սատարել Գուայդոյին` որպես Վենեսուելայի լեգիտիմ նախագահ
ԱՄՆ պետքարտուղար Մայք Պոմպեոն հայտարարել է, որ ՌԴ արտգործնախարար Սերգեյ Լավրովին կոչ են արել սատարել Խուան Գուայդոյին որպես Վենեսուելայի լեգիտիմ նախագահ: Այս մասին հայտնում է ՌԻԱ Նովոստի գործակալությունը: Պոմպեոն շեշտել էՙ քանի դեռ նախագահ Նիկոլաս Մադուրոն պաշտոնի է, Վենեսուելայում ճգնաժամը կշարունակվի:
«Մենք դիմել ենք ՌԴ ղեկավարությանը խնդրանքով սատարել Խուան Գուայդոյին, որպեսզի ապահովենք երկորւմ ազատ և արդար ընտրություններ»:
Հունվարի 23-ին Կարակասում ընդդիմության բողոքի ցույցի ժամանակ առաջնորդ Խուան Գուայդոն իրեն հայտարարեց ժամանակավոր նախագահ: Մինչ այս պահը Գուայդոյին որպես Վենեսուելայի լեգիտիմ նախագահ ճանաչել են ԱՄՆ-ը, Կանադան և Լատինական Ամերիկայի երկրները: Ռուսաստանը սատարում է գործող նախագահ Մադուրոյին:
