ՏԵՍԱՆՅՈՒԹ. Բարսեղ Բեգլարյանը մեղադրանքը չի ընդունում․ փաստաբան
«Ֆլեշ» ընկերության նախագահ Բարսեղ Բեգլարյանը մեղադրանքը չի ընդունում։ Այս մասին այսօր՝ դեկտեմբերի 9-ին, լրագրողների հետ զրույցում ասաց Բեգլարյանի փաստաբան Նիկոլայ Հակոբյանը։
«Մեղադրանքին ծանոթացանք, մեղադրանքը չի ընդունում, ցուցմունք հետագայում կտրվի, քննությունը կիրականացվի, ամեն ինչ իր տեղը կընկնի։
Խափանման միջոցը ընտրվել է ստորագրությունը չհեռանալու մասին»,-նշեց նա։
Ավելի վաղ հայտնել էինք, որ պետությունից առանձնապես խոշոր չափերով գումարի հափշտակությանը դրդելու համար մեղադրանք է առաջադրվել «Ֆլեշ» ընկերության նախագահ Բարսեղ Բեգլարյանին, որն առավել հայտնի է «Ֆլեշի Բարսեղ» անունով և Հայաստանի նախկին նախագահ Սերժ Սարգսյանի հետ իր մտերմությամբ:
Տեսանյութը News.am-ի.
