ՏԵՍԱՆՅՈՒԹ․ Բացահայտվել է 20․000 դոլարով ու ոսկյա զարդերով չհրկիզվող պահարանի գողությունը
Նոյեմբերի 21-ին ոստիկանության Կապանի բաժնում բնակարանային գողության վերաբերյալ հաղորդում է ստացվել. կնոջ բնակարանից հափշտակել էին չհրկիզվող պահարան, որի մեջ եղել էր 20․000 դոլար ու 30-ից ավելի ոսկյա զարդ։ Այս մասին տեղեկացնում է Ոստիկանությունը:
Ոստիկանության Քրեական հետախուզության գլխավոր վարչության, Սյունիքի մարզային վարչության ու Կապանի բաժնի ծառայողները համատեղ միջոցառումներով փաստական տվյալներ են ձեռք բերել գողությունը կատարած անձի ինքնության վերաբերյալ։ Օպերատիվ միջոցառումներով հայտնի են դարձել նաև դեպքի հանգամանքները։
Նոյեմբերի լույս 24-ի գիշերը կասկածյալը հայտնաբերվեցլ ու բերման է ենթարկվել ոստիկանություն։ Քաջարանի բնակիչ, 38-ամյա տղամարդը ներկայացվել է դեպքի նախաքննությունը վարող մարմնին, խոստովանական ցուցմունք տվել ու ձերբակալվել։
Հետագա միջոցառումներով իրավապահները ձորակում հայտնաբերել են նաև չհրկիզվող պահարանը, որն արդեն դատարկ էր։
Հարուցված քրեական գործի նախաքննությունը շարունակվում է։
