Երեւանում 63-ամյա տղամարդը բնակարանում ցանկանում էր կյանքին վերջ տալ

Հայաստանի ԱԻՆ-ում, նոյեմբերի 26-ին, ժամը 22:15-ին «911» ծառայություն տեղեկություն է հաղորդվել, որ Երեւանի Ազատության պողոտայի 2-րդ նրբանցքի թիվ 10 շենքի բնակարաններից մեկում քաղաքացին ցանկանում է վերջ տալ կյանքին:

Դեպքի վայր են մեկնել ԱԻՆ ՓԾ Երեւան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ, Ճգնաժամային կառավարման ազգային կենտրոնի օպերատիվ խումբը եւ հոգեբանական աջակցության բաժնի հրահանգիչը:

Փրկարարները բնակարանում հայտնաբերել են Արմեն Ս.-ին (ծնված 1966 թ.), ով ինքնասպանության մտքեր էր արտահայտում:

Հոգեբանական աջակցության բաժնի հրահանգիչը քաղաքացուն ցուցաբերել է հոգեբանական աջակցություն. Արմեն Ս.-ի վիճակը կայունացել է: