Ռուսաստանն ամերիկացի տեսուչներին առաջին անգամ ցուցադրել է «Ավանգարդ» գերձայնային մանևրող հրթիռային համալիրը: 

Այս մասին հայտարարել է Ռուսաստանի պաշտպանության նախարարությունը և ընդգծել, որ սպառազինության ցուցադրությունն իրականացվում է Մոսկվայի ու Վաշինգտոնի միջև ռազմավարական հարձակողական սպառազինությունների հետագա կրճատման ու սահմանափակման միջոցառումների մասին պայմանագրի շրջանակում:

«Ավանգարդ» գերձայնային մանևրող հրթիռային համալիրը մարտական հերթապահության մեջ կներառվի դեկտեմբեր ամսից: Հիշեցնենք, որ այս զենքի մասին ՌԴ նախագահ Վլադիմիր Պուտինը հայտարարել էր դեռևս նախորդ տարի: