Կարտոֆիլի քաղցկեղ Հայաստանում․ «Հայաստանի Հանրապետություն»

«Սննդի անվտանգությանն առնչվող տարբեր խնդիրների անդրադառնալիս գրել էինք, որ այս ոլորտն էլ զերծ չէ քաղաքականությունից: Երբեմն նույնիսկ այն աստիճան, որ դա անթաքույց երևում է՝ թե՛ միջազգային ու միջպետական մակարդակներում և թե՛ տևական հարթակներում:

Շատերը կհիշեն, որ 2013 թ. Հայաստանից Վրաստան առաքված կարտոֆիլը հետ էր ուղարկվել՝ իբր «գորշ փտում» բակտերիալ հիվանդությամբ վարակված լինելու պատճառաբանությամբ: Հետո պարզվել էր, որ Հայաստանում կարտոֆիլի հիվանդության այդ տեսակը չի եղել և այդ ընթացքում էլ չկար: Այդ ժամանակ գյուղատնտեսության փոխնախարար Գառնիկ Պետրոսյանն էլ պարզաբանել էր, թե «կարտոֆիլի «գորշ փտում» Հայաստանում չի եղել և չկա: «Այս պահին միայն Գեղարքունիքի մարզի Ճամբարակի շրջանում կա կարտոֆիլի քաղցկեղ հիվանդությունը, որն այդքան էլ մեծ տարածում չունի: Եվ այնտեղից սերմացու չի մթերվում»,-ասել էր նա:

Կարտոֆիլի քաղցկեղի մասին Հայաստանում խոսվեց մեկ էլ 2015 թ., երբ Արագածոտնի մարզի Արագած համայնքում դա հայտնաբերվեց: Բայցև հստակ միջոցառումների շնորհիվ կանխվեց:

Հիմա կա՞ այս հիվանդությունը Հայաստանում: Փորձեցինք ճշտել ՍԱՏՄ-ից: Բայց նախ պարզեցինք՝ արդյո՞ք հիվանդության այդ տեսակով վարակված կարտոֆիլը վտանգավոր է առողջության համար:

Պատասխանը հետևյալն էր. քաղցկեղով վարակված կարտոֆիլը, ըստ մասնագետների, մարդու կյանքի և առողջության համար վտանգավոր չէ»,-գրում է թերթը:

Նյութն ամբողջությամբ կարդացեք թերթի այսօրվա համարում: