Վրաստանում տեղի ունեցավ ընդդիմության զանգվածային ցույցը: Ընդդիմադիր «Գիրչի» կուսակցության կողմնակիցները նախքան խորհրդարանի մոտ հավաքվելը, ինչպես նախապես հայտարարել էին, երթ են իրականացրել մայրաքաղաքում՝ Բիձինա Իվանիշվիլիի նկարով «Սուրբ Բիձինա» գրությամբ «սրբապատկերներով»: Այս մասին հաղորդում է Новости-Грузия լրատվականը: 

Նրանք երթով հասել են բիզնես կենտրոն, որտեղ գտնվում է միլիարդատեր և իշխող «Վրացական երազանք» կուսակցության առաջնորդ Իվանիշվիլիի գրասենյակը: Նշենք, որ Վրաստանում ընդդիմության ցույցերը մեկնարկել են նոյեմբերի 14-ից, երբ իշխող կուսակցությունը համակարգային ռեֆորմներ անելու խոստումները չկատարեց: