Տիգրան Ավինյանի նախագահությամբ գործելու է Կանանց հարցերով խորհուրդ

Փոխվարչապետ Տիգրան Ավինյանը ֆեյսբուքյան իր էջում հայտնում է, որ իր նախագահությամբ գործելու է  Կանանց հարցերով խորհուրդը:

Գրառումը ներկայացնում ենք ստորև. 

Այսօր կանանց հանդեպ բռնության վերացման միջազգային օրն է։

Կանանց ու աղջիկների նկատմամբ բռնությունը մեր օրերում ևս շարունակում է մնալ մարդու իրավունքների ոտնահարման ամենատարածված ձևերից մեկը, որի իրական մասշտաբներն ավելին են, քան բարձրաձայնված դեպքերը։

Տեղեկացնում եմ, որ այսուհետ իմ նախագահությամբ գործելու է Կանանց հարցերով խորհուրդը՝ միտված կանանց և տղամարդկանց հավասար իրավունքների և հնարավորությունների ամրապնդմանը և բոլորի համար բռնությունից զերծ, անվտանգ միջավայրի ապահովմանը։