ՏԵՍԱՆՅՈՒԹ․ Մոսկվայում դաշնամուրի հայ ուսուցիչը ծեծել է աշակերտուհուն և դատապարտվել 4 տարվա ազատազրկման
Մոսկվայի դատարանը որոշել է երաժշտության ուսուցիչ Մհեր Մախսուդյանին դատապարտել չորս տարվա պայմանական ազատազրկման՝ իր աշակերտուհուն ծեծի ենթարկելու համար: Ինչպես հայտնում է ՌԻԱ Նովոստին, տղամարդուն երկու տարի ժամկետով արգելել են երաժշտություն դասավանդել: Դատարանը Մախսուդյանին նաև պարտավորեցրել է աղջկա ընտանիքին վճարել 100 հազար ռուբլի՝ որպես պատճառված վնասի փոխհատուցում:
Ավելի վաղ հաղորդվում էր, որ երաժշտության 23-ամյա ուսուցիչը 8-ամյա աղջկա գլխին պարբերաբար հարվածել է և վիրավորել նրան: Աղջիկը մի անգամ պատմել է ծնողներին այդ մասին, և նրանք տանը տեսախցիկ են տեղադրել՝ ուսուցչի պահվածքին հետևելու համար:
Մախսուդյանն էլ, ասել է, որ աղջկա վրա ձեռք է բարձրացրել դաստիարակչական նպատակներով: Նա վստահ էր, որ աղջիկը միայն ցավի և տառապանքի միջոցով կարող է հաջողության հասնել:
