Ադրբեջանի սահմանապահ ծառայության ծառայողները գիշերը փոխհրաձգության մասնակից են եղել Արցախի, Իրանի և Ադրբեջանի սահմանների հատման մոտ գտնվող Բոյուք Բահմանլի գյուղի մոտ։ Հորադիզի մոտ նրանք փորձել են կասեցնել Իրանից Ադրբեջան անցնող մաքսանենգներին, տեղեկանում ենք shantnews.am-ից։ 

Երկու իրանցիները, ըստ ադրբեջանական կողմի, փորձել են Ադրբեջանի տարածք անցկացնել թմրանյութեր։ Գործնականում դա նրանց հաջողվել է՝ իրանցիները անցել են սահմանը, սակայն նկատվել են ադրբեջանցի սահմանապահների կողմից։ Տեղի է ունեցել փոխհրաձգություն։

Իրանցիներից մեկն այդ փոխհրաձգության ժամանակ սպանվել է, իսկ մյուսը կարողացել է հետ փախչել Իրան։

Ադրբեջանի սահմանապահ ծառայության տվյալներով՝ իրանցիները «մարտի դաշտում» թողել են 2,6 կիլոգրամ մարիխուանա և մետամֆետամին տեսակի թմրանյութեր։ Իրանական կողմի օգնությամբ հաստատվել է, որ սպանվածը Իրանի քաղաքացի է եղել։