Ոստիկանները հայտնաբերել են 80-ամյա ծերունուն թալանողներին. հափշտակել են 105 հազար դրամ
Հայաստանի քննչական կոմիտեի Լոռու մարզաին քննչական վարչությունում երեկ հարուցվել է քրեական գործ՝ ՀՀ ՔՕ-ի 177 հոդվածի 3-րդ մասի 1.1 կետով, հայտնում է shamshyan.com-ը։
Նշված քրեական գործի շրջանակում Լոռու մարզի քրեական վարչության Ստեփանավանի քննչական բաժնի քննիչ Պետրոսյանի որոշմամբ ձերբակալվել են Տաշիր քաղաքի բնակիչ՝ 28-ամյա Աշոտ Մինասյանը և Արծնի գյուղի բնակիչ՝ 20-ամյա Նվեր Էգնատոսյանը։
Նոյեմբերի 23-ին, ժամը 05;00-ի սահմաններում ոստիկանության Տաշիրի բաժին ահազանգ է ստացվել Լեռնահովիտ գյուղի բնակչի կողմից, ով հայտնել է, որ իր հորեղբոր՝ նույն գյուղի բնակիչ 80-ամյա Էդվարդ Բաղդասարյանի տնից գողություն են կատարել՝ հափշտակել են գումար, մինչ այդ, մտել նրա տուն, փորձել խեղդամահ անել, կապկպել բերանն ու պարանոցը։
Տուժածը թոշակառու է, և նրանից հափշտակել են մոտ 105 հազար դրամ, որով 80-ամյա ծերունին պետք է հոգար իր կարիքները։
