Մի քանի մեքենա իրար են բախվել. վիրավոր վարորդը տեղափոխվել է «Աստղիկ» բժշկական կենտրոն
Նոյեմբերի 22-ին Երևանում Ժամը 06:00-ի սահմաններում շղթայական ավտովթար է տեղի ունեցել: Մայրաքաղաքային փողոցի թիվ 160 հասցեի մոտ իրար են բախվել Արմավիրի մարզի բնակիչներ, 31-ամյա Սերգեյ Պ.-ի վարած Mercedes մակնիշի 01 OQ 041 համարանիշի, 32-ամյա Անդրանիկ Պ.-ի վարած Mitsubishi մակնիշի 2441 HV համարանիշի, Երևանի բնակիչներ, 35-ամյա Արշակ Մ.-ի վարած Toyota մակնիշի 11 XL 011 համարանիշի և 32-ամյա Ավետիք Մ.-ի վարած BMW մակնիշի 49 NA 999 համարանիշի ավտոմեքենաները:
Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդներից Անդրանիկ Պ.-ն բուժօգնություն ստանալու նպատակով տեղափոխվել է «Աստղիկ» բժշկական կենտրոն:
